Янги Зеландиянинг Окленд шаҳри марказий кутубхонаси ходимлари нима учун доимий равишда жавонлардан китоблар йўқолишини аниқлади. Кутубхоначилар уларни одамлар кўзидан яширин жойлардан, масалан, креслолар ёки жавонлар тагидан топди ва жойига қайтарди, деб ёзмоқда Meduza.
Маълум қилинишича, китобларни безорилар эмас, балки кутубхонага доимий ташриф буюрувчилар яширган. Улар доимий яшаш манзили бўлмаганлиги сабабли кутубхонага аъзо бўла олмайдиган ва китобларни уйига олиб кета омайдиган уйсизлар бўлиб чиққан.
Бундай ташриф буюрувчилар асарни кечқурунгача ўқиб тугатмаса, эртаси куни қайтиб келиб, ўқишни давом эттириш учун китобларни кутубхона ҳудудига яшириб кетган.
Уйсиз китобхонларга ёрдам бериш учун кутубхона ходимлари махсус жавон ташкил қилди — унда китобларни қолдириш ва эртаси куни келиб, ўқишни давом эттириш мумкин.
Изоҳ (0)