14 декабрнинг эътиборга молик янгиликлари — «Дарё»нинг кечки дайжестида.
1. ЎзА Карманада 2012—2013 йилларда қурилган намунавий уйлар сифатини танқид қилди. Кўп ўтмай Бухородаги автобус бекатлари танқидга учради.
2. Ислом ҳамкорлик ташкилоти Шарқий Қуддусни Фаластин пойтахти деб тан олди. Аввалроқ ташкилотнинг бу саммитини чақирган Туркия президенти Эрдўғон Исроилни «террорчи ва босқинчи давлат» деб атаган эди.
3. Қирғизистонлик депутат: Орто-Токой сув омбори яқинида яшаётган Ўзбекистон фуқаролари қарзи 14 млн доллардан ошади. Бу сув омбор бўйича битим ратификация қилингач, ушбу оилалар Ўзбекистонга кўчиб ўтади.
4. Песков: Путинга рақобатчи бўладиган одам ҳали пишиб етилгани йўқ. Аввалроқ Путин 2018 йилги Россия президенти сайловида қатнашиши маълум бўлган эди.
5. Путин 1970 йилларда каскадёр сифатида фильмларда суратга тушган. У билан суратга тушганларнинг айтишича, бу иш учун уларга ўша вақт учун яхши даражада ҳақ тўлашган.
Изоҳ (0)