Миллий хавфсизлик хизмати Андижон вилояти бошқармаси ҳамда вилоят ИИБ ҳамкорлигида бир гуруҳ диний экстремизм ва терроризмнинг виртуал тарафдорлари кирдикорларига чек қўйилди, деб хабар беради ЎзА.
Хусусан, Андижон вилоятининг Пахтаобод туманида яшовчи Нодирбек Ҳасанов «Odnoklassniki.ru» ижтимоий тармоғига турли зарарли маъруза ва даъватларни жойлаштириб келгани аниқланди.
У ўз ғаразли мақсадларига Фарғона вилоятининг Қува туманида яшовчи Нодиржон Собиров ва Фарғона вилоятининг Ёзёвон туманида яшовчи Жасур Тошматовларни ҳам шерик қилди.
«Нодир Ҳасанов 630 дан ортиқ зарарли маъруза, даъват ва видеороликларни интернетга жойлади. 200 дан ортиқ ‘дўстларъи билан мулоқотга киришди ва охир-оқибат суднинг қора курсисига етиб келди», — дейилади хабарда.
Хабарда қайд этилишича, мазкур шахслар интернет орқали бузғунчиликка даъват этувчи ғояларни илгари сурган ва ўз таъсир доирасини кенгайтиришга уринган.
Изоҳ (0)