Наманганда «Маданият кунлари» бошланди

Наманган вилоятидаги «Маданият кунлари»ни Янгиқўрғон тумани бошлаб берди. Бу ҳақда «Дарё»га туман ҳокимлиги ахборот хизмати хабар бермоқда. 

Туман болалар мусиқа ва санъат мактабида ўтказилган «Биз буюк фарзандларимиз» шиори остидаги тадбирлар учга бўлинди. Дастлаб туман маданият бўлими тасвирий санъат кўргазмаси тўгараги аъзоларининг «Сеҳрли қалам жилоси» номли кўргазмаси намойиш этилди. Сўнг актёрлик ва драма тўгараги томонидан саҳналаштирилган «Она ватан соғинчи» номли спектакл томошабинлар эътиборига ҳавола этилди. Якунда «Шодиёна жамоаси» томонидан тайёрланган концерт дастури намойиш этилди. 

«Тадбирлардан кўзда тутилган асосий мақсад давлат раҳбарининг ‘Маданият ва санъат соҳасини ривожлантириш ва такомиллаштиришга доир чора-тадбирлари тўғрисидаъги қарори ижросини таъминлаш, аҳолининг бўш вақтини мазмунли ўтишига кўмаклашиш, ёшларнинг маданий савиясини юксалтиришдан иборат. Маданият кунлари декабрь ойи давомида туманнинг барча ҳудудларида ўтказилиши белгиланган», — дейди туман маданият бўлими мудири Назиржон Исматуллаев