Кеча, 13 декабрь куни соат 22:45 да Фарғона йўли кўчасидаги кўприкда йўл-транспорт ҳодисаси содир бўлди. Тошкент шаҳри ИИББ йўл ҳаракати хавфсизлиги Бошқармасининг маълумотларига кўра, 31 ёшли Captiva ҳайдовчиси (Intel Car хусусий компаниясига тегишли) Sold Avto таксопаркига тегишли Matiz билан тўқнашиб кетган. Matiz’нинг 60 ёшли ҳайдовчиси олинган жароҳатлар оқибатида воқеа жойида вафот этди, деб хабар берди «Новости Узбекистана».
Авария гувоҳларининг сўзларига кўра, Matiz ғидирагининг дами чиқиб кетган ва ҳайдовчи уни тўғирлаш учун машинани йўл бўйига тўхтаган. Бошқа бир версияда келтирилишича, эркак шунчаки машинанинг автомобиллар ҳаракатланаётган томонидан чиқиб қолган. Бу вақтда эса уни қувиб ўтмоқчи бўлган Captiva ҳайдовчини пайқамай қолиб, уни уриб юборган ва автомобиль билан тўқнашув содир этган. Нохуш ҳодисанинг видеоси ижтимоий тармоқ ва мессенжерларда тарқалди.
Эҳтиёт бўлинг! Роликда ҳалок бўлган инсон тасвирланган кадрлар мавжуд. Асаби бўшлар, ёш болалар ва ҳомиладор аёлларга кўриш тавсия этилмайди.
Изоҳ (0)