Коми Республикасида бутун Россия бўйлаб ўтказилган «Йил оиласи» танлови ғолибаси Лариса Шчукина учун ташкилотчилар Москвага чипта олиб беролмади. Компенсация тартибида тўққиз фарзандни тарбиялаётган эр-хотинга ғолиблик дипломи ва металл термос топширишди, деб ёзади «MK.ru».
Шу билан бирга, оиланинг ўзи ҳеч қандай танловда қатнашиш учун даъвогарлик қилмаган — бу Сосногорск қишлоғи маъмуриятидаги маҳаллий мансабдорлар ташаббуси бўлган. Май ойида эр-хотин республика танловида «Кўп болали оила» номинациясида ғолиб бўлганидан хабар топган ва республика раҳбаридан 100 минг рубль мукофот олган. Уларга энди танловнинг бутунроссия босқичида Коми номидан қатнашишларини айтишган, аммо жўнаб кетиш санасини келишиш вақти келганида, сафар учун пул йўқлиги маълум бўлган.
Охир-оқибат Шчукинларни Сиктивкарга таклиф қилиб, у ерда тантанали тарзда бир литрлик металл термосни топширишган.
Кўнгилсиз воқеа «сув юзига қалқиб чиққач», эр-хотиндан кечирим сўрашган ва уларга санаторийга сертификат таклиф қилишган. Санаторийга бориш саналари қатъий белгилаб қўйилгани учун, эр-хотин ундан ҳам воз кечишига тўғри келган.
Изоҳ (0)