Москвада Россия президенти Владимир Путинга бағишланган кўргазма очилди, очилиш куни у 2018 йилда тўртинчи муддат учун ўз номзодини қўйишини эълон қилган кунга тўғри келди, деб ёзади «Газета.ru».
Кўргазмага «замонавий санъат жанрида ижод қиладиган 30 нафар энг яхши россиялик рассомлар» асарлари қўйилди. Муаллифлар Путинни суперқаҳрамон сифатида ифодалаб, «давлат етакчисининг миллий маънавият билан кўп асрлик руҳий боғлиқлиги»ни баҳодирлар ва паҳлавонлар орқали тасвирлаган. Музей хабарида айтилишича, картиналар яратувчилари «дунёга Владимир Путиннинг ўзига хос машҳурлигини кўрсатишни истаган».
Картина ва ҳайкалларда президент ва президентликка номзод қўлида қоплон ва кучукча тутиб турган, айиқ минган ҳолатда ва аллақандай «путинбластер» билан бирга тасвирланган.
Изоҳ (0)