Ҳуқуқни муҳофаза қилувчи органлар томонидан олиб борилган тезкор саъй-ҳаракатлар натижасида Тошкент вилоятининг Ўрта Чирчиқ туманида содир этилган қотиллик фош этилди. Бу ҳақда вилоят ИИБ матбуот хизмати хабар бермоқда.
19 ноябрда 1998 йили Хоразм вилоятида туғилган Д.А. исм-шарифли қизнинг мурдаси Ўрта Чирчиқ тумани, Қорасув ҳудудидаги ариқ ичидан топилган. Суд-экспертиза таҳлиллари қиз боғич билан бўғиб ўлдирилганини кўрсатди.
Олиб борилган тезкор-суриштирув ишлари натижасида қотилликда гумон қилинаётган шахс аниқланиб, ушланди. У 1990 йили Тошкент шаҳрида туғилган ва киракашлик билан шуғулланувчи Х.А. экани маълум бўлди.
Айни пайтда Жиноят Кодексининг 97-моддаси, яъни қасддан одам ўлдириш жинояти аломатлари билан жиноят иши қўзғатилган. Тергов ҳаракатларини вилоят прокуратураси олиб бормоқда. Қотилликда гумондорнинг бошқа жиноятларга алоқадорлиги ҳам текширилмоқда.
Изоҳ (0)