6 декабрь куни Тошкент вилояти бош имом-хатиби Хайруллоҳ Турматов Оққўрғон туманида оила вакиллари, маҳалла фаоллари, устоз-мураббийлар ҳамда ўқувчи-талабалар билан «Фаровон оила – саодат қасри» мавзусидаги мулоқотда иштирок этди. Бу ҳақда Ўзбекистон мусулмонлар идораси матбуот хизмати хабар бермоқда.
Хайруллоҳ Турматов ота-она ва аёлларни ардоқлашнинг аҳамияти, оилада эркак кишининг вазифалари, оила саодатида меҳр-мурувват ва оқибатнинг ўрни, сўзлашиш ва кийиниш бобида ҳаёнинг долзарблиги, жиноятчиликнинг олдини олиш, интернет, хусусан, телефондан нотўғри фойдаланиш оилавий ажрим ва қатор ахлоқсизликларга замин яратаётгани борасида маъруза қилди.
Тадбир сўнгида вилоят бош имом-хатиби томонидан кенг жамоатчик фойдаланиши учун илмий ва тарбиявий-ахлоқий мазмундаги турфа адабиятлар совға қилинди. Ўзбекистон мусулмонлари идораси раиси, муфтий Усмонхон Алимовнинг «Оилада фарзанд тарбияси» китоби ҳам шулар жумласидандир.
Изоҳ (0)