Наманганда Конституция қабул қилинганининг 25 йиллиги арафасида мукаммал таъмирдан чиқарилган «Дўстлик уйи» фойдаланишга топширилди. Бу ҳақда «Дарё» мухбири хабар бермоқда.
Бугунги кунда вилоятда 80 дан ортиқ миллат вакиллари истиқомат қилмоқда. Рус, қирғиз, тожик, корейс миллий-маданий марказлари фаолият кўрсатмоқда.
Тадбир давомида мазкур марказлар томонидан халқ амалий санъати намуналари ва турли тиллардаги китоблар кўргазмаси тақдим этилди, бадиий чиқишлар намойиш қилинди.
Байрам арафасида Янгиқўрғон туманида «Исковот шифо маскани» хусусий шифохонасининг очилиш маросими ҳам бўлиб ўтди. 75 ўринли, кардиология, гинекология, урология терапия каби йўналишларини қамраб олган олган тиббий масканда 45 та янги иш ўрни яратилди. Тадбиркор Беҳзод Йўлдошев томонидан бу ердаги қурилиш ишларига 5 миллиард сўмга яқин маблағ сарфланди.
Шунингдек, қўшни Қирғизистон билан чегарадаги чекка Нанай қишлоғида 216 ўринли 54-мактаб ва 60 ўринли ҳудудий шифохона ҳам фойдаланишга топширилди. Бунинг учун давлат томонидан тегишли равишда 2,7 ва 3 миллиард сўм ажратилди.
Очилиш маросимларида вилоят ҳокими Хайрулла Бозоров иштирок этди ва сўзга чиқди. Вилоятда байрам объектлари очилиши давом этмоқда.
Изоҳ (0)