Тошкентда 7 декабрь куни Ўзбекистон Президенти Шавкат Мирзиёев иштирокида давлат мукофотларини тантанали топширишга бағишланган йиғилиш бўлиб ўтди.
ЎзАнинг хабар беришича, йиғилишда Президент Ўзбекистонда илм-фан, адабиёт, санъат ва маданият соҳаларини ривожлантириш бўйича олиб борилаётган ишларга ҳам тўхталиб ўтган.
Жумладан, Фанлар академиясининг илмий ва моддий-техник базасини мустаҳкамлашга зарур маблағ ва ресурслар ажратилди. Янги илмий марказлар, технопарклар ташкил этилди.
«Инновацион ривожланиш вазирлиги ташкил этилгани бу борада муҳим янгилик бўлди», — деб ёзади Ўзбекистон Миллий ахборот агентлиги.
Илм-фан – тараққиёт асоси. Замонавий илм-фан ютуқларига, инновацион ғояларга таянмаган давлатнинг ҳам, жамиятнинг ҳам келажаги йўқ.Фақат илм ва маърифат, интеллектуал салоҳият, ҳар томонлама билимли кадрлар ҳисобидан биз Ўзбекистонни янги тараққиёт босқичига олиб чиқа оламиз.
Шавкат Мирзиёев, Ўзбекистон Президенти
Изоҳ (0)