6 декабрнинг эътиборга молик янгиликлари — «Дарё»нинг кечки дайжестида.
1. Расман: Россия делегацияси қишки Олимпиадада иштирок этмайди. ХОҚ бу борада даҳшатли қарорлар чиқарди. Бу воқеа россиялик спортчилар орасида Олимпиадани Путиндан ҳам устунроқ кўрадиганлар борлигини исботлади.
2. Коллеж директорларини ҳақоратлаган Андижон шаҳар ҳокимининг хатти-ҳаракатлари вилоят прокуратураси томонидан текширилмоқда. Унинг ҳаракатларида маъмурий ҳуқуқбузарлик аломатлари қайд этилган.
3. ЎФФ мухлисларнинг стадионга югуриб тушишини, уларнинг «Локомотив»ни табрикламоқчи бўлгани билан изоҳлади. «Бу каби вазиятлар футболи ривожланган давлатларда ҳам учраб турадиган ҳолат ҳисобланади», — дейилади ЎФФ баёнотида.
4. «Дарё»да янги лойиҳа: Persona. Унинг илк меҳмони проф рингдаги 11 жангида 11 нокаутга эришган Шоҳжаҳон Эргашев. Хўш, у аслида ким ва қаердан? Муваффақиятлари замирида нималар ётибди?
5. «Ўзбекнефтгаз» логотип ғолибига Spark калитини топширди. Аммо логотипнинг ўзи ҳали эълон қилинганича йўқ. Ишчи орган томонидан комиссияга лойиҳанинг иккинчи босқичи доирасида кўриб чиқиш учун 219 та ишланма топширилган.
Изоҳ (0)