Россиянинг «Культура» телеканали ижодкорлари Қорақалпоғистон маданияти ва санъати ҳақида ҳужжатли фильмни тасвирга олиш учун Нукусга келди. Бу ҳақда Қорақалпоғистон ахборот агентлиги хабар бермоқда.
Ўзбекистон электрон оммавий ахборот воситалари миллий ассоциацияси ва Россиянинг «Культура» телеканали ижодий гуруҳи аъзолари ўз ишини Савицкий номидаги Қорақалпоқ давлат санъат музейида рус ва ўзбек мусаввирларининг портрет жанридаги кўргазмаси билан танишишдан бошлади.
Ҳужжатли фильм объектлари сифатида Нукус маданият ва санъат коллежи, Хўжайлидаги «Миздакхан» ёдгорлиги танланган. Шунингдек, телеканал ижодий гуруҳи Мўйноқ туманида ҳам бўлди.
Мазкур тадбирлар ҳужжатли фильмни тасвирга олишнинг биринчи босқичи бўлиб, кейинги босқич келгуси йилнинг март ойида давом эттирилади.
Изоҳ (0)