«Ўзбеккино» Миллий агентлигида Европа Иттифоқининг Ўзбекистондаги делегацияси раҳбари, элчи Эдуард Стипрайс билан учрашув бўлиб ўтди. Бу ҳақда агентлик ахборот хизмати хабар бермоқда.
Учрашувда икки томонлама ҳамкорликнинг бугунги ҳолати ва истиқболдаги қўшма режалар муҳокама қилинди.
Хусусан, кейинги йилларда анъана тусига кирган Европа киноси кунлари, унинг Ўзбекистон маданий ҳаётида тутган ўрни ҳақида сўз юритилди.
Жаноб Стипрайс ҳамда «Ўзбеккино» МА бош директори Фурқат Зокиров ушбу кинофестиваль бу йил ўзбек томошабини томонидан илиқ кутиб олинганини ва уни келаси йилда ҳам юқори савияда ўтказишдан ҳар икки томон манфаатдор эканлигини таъкидлади.
Дастлабки келишувга кўра, Европа киноси кунларини 2018 йилнинг май ойида Тошкент шаҳрида, куз ойларида эса яна иккита вилоятда ўтказиш белгилаб олинди.
Изоҳ (0)