Чирчиқ шаҳридаги «Сетора» ҳамда «Кимёгар» меҳмонхоналарида рейдлар ўтказилди. Бу ҳақда Тошкент вилояти ИИБ матбуот хизмати хабар бермоқда.
Бу меҳмонхоналарда бўлган 30 дан зиёд фуқаро (уларнинг 16 нафари аёллар бўлган) Чирчиқ шаҳар ИИБга олиб келинган, уларнинг шахси аниқланган ва текширувдан ўтказилган.
Хабар беришларича, ИИБда текширувдан ўтказилган бу фуқароларнинг бари жинсий алоқа билан шуғулланиш учун меҳмонхонага келгани маълум бўлган.
«Шунингдек, меҳмонхона мутасаддилари ушбу фуқароларга жинсий алоқа учун шароит яратиб бериб, уларни рўйхатдан ўтказмай хонага қўйгани маълум бўлди», — дейилади ИИБ ахборотида.
Хабар беришларича, бу фуқароларга нисбатан Маъмурий жавобгарлик тўғрисидаги Кодекснинг тегишли моддаларига асосан баённомалар расмийлаштирилган.
Изоҳ (0)