Chirchiq shahridagi “Setora” hamda “Kimyogar” mehmonxonalarida reydlar o‘tkazildi. Bu haqda Toshkent viloyati IIB matbuot xizmati xabar bermoqda.
Bu mehmonxonalarda bo‘lgan 30 dan ziyod fuqaro (ularning 16 nafari ayollar bo‘lgan) Chirchiq shahar IIBga olib kelingan, ularning shaxsi aniqlangan va tekshiruvdan o‘tkazilgan.
Xabar berishlaricha, IIBda tekshiruvdan o‘tkazilgan bu fuqarolarning bari jinsiy aloqa bilan shug‘ullanish uchun mehmonxonaga kelgani ma’lum bo‘lgan.
“Shuningdek, mehmonxona mutasaddilari ushbu fuqarolarga jinsiy aloqa uchun sharoit yaratib berib, ularni ro‘yxatdan o‘tkazmay xonaga qo‘ygani ma’lum bo‘ldi”, — deyiladi IIB axborotida.
Xabar berishlaricha, bu fuqarolarga nisbatan Ma’muriy javobgarlik to‘g‘risidagi Kodeksning tegishli moddalariga asosan bayonnomalar rasmiylashtirilgan.
Izoh (0)