КХДР БМТда унга қарши санкцияларни қўллаб-қувватлаган Россиядан хафа бўлди, деб ёзади «Интерфакс» Давлат думасининг халқаро масалалар бўйича раиси ўринбосари Алексей Чепага таяниб, у Давлат думасининг КХДРдаги делегацияси таркибига киради.
«Барча учрашувлар дўстона, жуда очиқ муҳитда ўтди, улар ўз фикрларини очиқ айтди, маълум хафагарчиликлари ҳақида гапирди… Улар ранжиган, чунки биз БМТда Кореяга қарши санкциялар учун овоз бердик. Улар: қандай қилиб, нима учун? — деяпти», — деди Чепа.
Шу билан бирга, депутатнинг сўзларига кўра, КХДР Россия юзага келган вазиятда воситачилик қилишига умид қилмоқда. «Улар Россиянинг Сурияда тинч ҳаётни йўлга қўйишдаги ролини эсга олди, улар сиз Сурияга масалани ҳал қилишда ёрдам бердингиз, деяпти», — деди Чепа.
«Биз ҳа, у ерда террорчилик гуруҳлари билан кураш тамом бўлаётгани, террорчилар тор-мор қилингани, у ерда тинч ҳаётни йўлга қўйишга ҳаракат қилаётганимиз, буларнинг барчаси муайян келишувларга эришиш орқали бўлаётганини айтаяпмиз. Биз турли йўллар билан Шимолий Кореяга фақат музокаралар орқалигина натижаларга эришиш мумкинлигини етказишга ҳаракат қилдик», — деди депутат.
Изоҳ (0)