Аргентина «Сан-Хуан» сув ости кемаси экипажининг 44 нафар аъзосини қутқариш бўйича операцияни тўхтатади, бироқ субмаринани қидириш давом этади. Бу ҳақда мамлакат ҳарбий-денгиз кучлари расмий вакили Энрике Бальби маълум қилди, дея хабар беради «РИА Новости».
«Экипажни қутқариш учун талаб этиладиган кунлардан икки баробардан кўпроқ вақт сарфладик. Шунча уринишга қарамай, кемани топишга муваффақ бўлмадик. Қутқарилганлар бўлмайди», — деди Бальби.
Расмий вакилга кўра, қутқарув операцияси якунланганлиги сабабли Атлантика океанида ишлаган уч кема вақтинча базага қайтарилади. Бироқ кейинчалик субмаринани қидириш давом эттирилади ва уларнинг сафига бошқа кемалар қўшилади.
Изоҳ (0)