KXDR BMTda unga qarshi sanksiyalarni qo‘llab-quvvatlagan Rossiyadan xafa bo‘ldi, deb yozadi “Interfaks” Davlat dumasining xalqaro masalalar bo‘yicha raisi o‘rinbosari Aleksey Chepaga tayanib, u Davlat dumasining KXDRdagi delegatsiyasi tarkibiga kiradi.
“Barcha uchrashuvlar do‘stona, juda ochiq muhitda o‘tdi, ular o‘z fikrlarini ochiq aytdi, ma’lum xafagarchiliklari haqida gapirdi… Ular ranjigan, chunki biz BMTda Koreyaga qarshi sanksiyalar uchun ovoz berdik. Ular: qanday qilib, nima uchun? — deyapti”, — dedi Chepa.
Shu bilan birga, deputatning so‘zlariga ko‘ra, KXDR Rossiya yuzaga kelgan vaziyatda vositachilik qilishiga umid qilmoqda. “Ular Rossiyaning Suriyada tinch hayotni yo‘lga qo‘yishdagi rolini esga oldi, ular siz Suriyaga masalani hal qilishda yordam berdingiz, deyapti”, — dedi Chepa.
“Biz ha, u yerda terrorchilik guruhlari bilan kurash tamom bo‘layotgani, terrorchilar tor-mor qilingani, u yerda tinch hayotni yo‘lga qo‘yishga harakat qilayotganimiz, bularning barchasi muayyan kelishuvlarga erishish orqali bo‘layotganini aytayapmiz. Biz turli yo‘llar bilan Shimoliy Koreyaga faqat muzokaralar orqaligina natijalarga erishish mumkinligini yetkazishga harakat qildik”, — dedi deputat.
Izoh (0)