National Interest нашри таҳлилчилари КХДРдаги навбатдаги ракета синовидан кейин Вашингтонга бериладиган ядро зарбасининг эҳтимолий оқибатларини баҳолаб чиқди, деб ёзади «РИА Новости».
Ракета ишланмалари соҳасидаги мутахассислар таъкидлашича, Шимолий Кореянинг имкониятларини паст баҳолаш керак эмас. Олимлар ҳисоб-китобларни амалга ошириб, Пхеньяннинг «Хвансон-15» АҚШнинг исталган нуқтасигача етиб боришга қодирлиги ҳақидаги гаплари мутлақо рост эканлиги ҳақидаги хулосага келди. Бу ракета берилган траекторияда қолиши ва у енгил жанговар каллак билан жиҳозланиши шарти остида ҳақиқийдир.
Мутахассислар таҳлилга асос қилиб тротил эквивалентда 250 килотонна қувватга эга бомбани олди. Уларнинг ҳисоб-китобларига кўра, бундай бомба портлашидан Америка пойтахти марказида қарийб 413 минг киши ҳалок бўлади, яна 527 минг нафари жабрланади. Шунингдек, нашр қайд этишича, Оқ уй, Халқаро жосуслик музейи, Вашингтон ёдгорлиги, Капитолий ва зарба тўлқини радиусидаги бошқа барча бинолар ва ёдгорликлар бутунлай йўқ бўлиб кетади. Шаҳар ташқарисига келсак, портлаш ушбу туманлардаги одамларнинг 50 дан 90 фоизгача қисмини ҳаётдан олиб кетади.
Изоҳ (0)