Қўшма Штатлар Хитойни Бутунжаҳон савдо ташкилоти ўлчовлари бўйича бозор иқтисодиётига эга давлат деб ҳисоблашдан бош тортади. Бу ҳақда АҚШ савдо ваколатхонасининг 30 ноябрь, пайшанба куни тарқатилган баёнотида маълум қилинди, дея хабар беради «ТАСС».
Ҳужжатга кўра, «давлатнинг Хитой иқтисодиётида асосий рол ўйнаши, жумладан, имтиёзлар тақдим этиш амалиётининг кенг тарқалгани мамлакат ичидаги нархлар бозор қонунлари билан белгиланмаслигини англатади».
Мазкур баёнот АҚШ савдо вазирлигининг октябр ойидаги шу мазмундаги маърузасидан сўнг қабул қилинди. Унда Хитой бозор иқтисодиётига эга эканлигини исботлай олмаганлиги билдирилган.
АҚШ Хитой томонидан «бозор иқтисодиётига эга давлат» мақомининг олиниши арзон маҳсулотлар Ғарб бозорларига оқиб келишига сабаб бўлишидан хавотирда. Европа ҳам шундай ёндашувни ёқламоқда.
Изоҳ (0)