Агунг тоғидаги вулқон уйғонганига қарамасдан, Индонезиянинг Бали оролида ҳаёт қайнамоқда, деб ёзади «Metronews.ru».
Дунёга машҳур фотоагентликлар вулқон фонида суратга тушиш имкониятини қўлдан чиқармаётган маҳаллий аҳолининг фотосуратларини чоп этмоқда. Шунингдек, оролда ўз ҳордиғини давом эттираётган ёки учиб кетиш учун самолёт кутаётган сайёҳлар ҳам вулқонни хавфсиз масофадан туриб суратга олмоқда.
Балидаги «Нгурах-Рай» халқаро аэропорти 29 ноябрь куниёқ ўз ишини қайта тиклади, у ердан яна ҳаво кемалари учиб кетмоқда.
Балидаги фавқулодда вазият режими маҳаллий ҳукумат қарори билан 10 декабргача узайтирилди, чунки у ерда ҳамон кул отилиш хавфи сақланиб қолмоқда.
Кратердан 10 км радиусдаги ҳудуд хавфли зона деб эълон қилинган. Унга ёндош туманлардан 43 минг аҳоли эвакуация қилинган. У ерда жами 100 мингга яқин киши бор.
Изоҳ (0)