Туркиянинг яхта ишлаб чиқарувчи Bilgin Yachts корхонаси 80 метрли Project 263 супер яхтасини сувга туширди, деб хабар беради Super Yacht Times.
Экспертларнинг маълумотларига кўра, кема Туркияда ишлаб чиқарилган энг йирик яхта ҳисобланади.
Яхтадаги каюта ва бошқа бўлмалар интерьери Лондоннинг H2 Design Studio студияси томонидан ишлаб чиқилган. Ҳозирги пайтда яхтада жиҳозлаш ишлари олиб борилмоқда. Яхта бортида йирик дам олиш зонаси ва спа-салон барпо этилиши режалаштирилган. У ўзига 24 нафар экипаж аъзолари ва саккизта каютада 16 нафар меҳмонни сиғдира олади.
Яхта 2019 йилнинг сўнгида ўз эгасига топширилади. Буюртмачининг кимлиги сир тутилмоқда.
Изоҳ (0)