Даниялик олимлар қабул қилинаётган алкоголь миқдорини камайтириш ва чекишни ташлаш қаришни кечиктиришини ва узоқ умр кўриш имконини беришини исботлади. Улар зарарли одатлар ҳамда тери ва кўзда ёш ўтиши билан юз берадиган ўзгаришлар ўртасидаги алоқани аниқлаш орқали шундай хулосага келди. Мутахассислар мақоласи Journal of Epidemiology & Community Health журналида эълон қилинди.
Маълумки, кексайишнинг ташқи аломатлари биологик ёш билан боғлиқ. Ўз ёшидан катта кўринадиган одамларнинг саломатлиги одатда анча яхшироқ кўринишга эга тенгдошларига нисбатан ёмонроқ бўлади.
Олимлар текширув учун 1976—2003 йилларда ўтказилган тадқиқот натижаларидан фойдаланди. Унда 20 минг эркак ва аёл қатнашган, аммо таҳлил учун 11 613 киши олинди.
Маълум бўлишича, одам қанчалик кўп чекса, кексаликнинг асосий ташқи белгилари бўлмиш кўз мугуз пардаси ёйи, ксантелазма (теридаги ёғ тошмалари) ва қулоқ солинчагидаги бурмалар барвақт пайдо бўлиш эҳтимоли шунчалик юқори бўлади. Алкоголнинг истеъмол қилиниши ҳам, ёғ тошмаларидан ташқари, худди шу белгилар билан боғлиқ бўлиб чиқди.
Изоҳ (0)