Эриётган музликлар дунёнинг қайси шаҳарларини сув остида қолдиради? NASA’нинг виртуал харитаси

Американинг NASA космик агентлиги олимлари муз қобиғи глобал кўламда эриши натижасида сув остида қолиши мумкин бўлган ҳудудларни олдиндан айтиб берувчи ва қайси шаҳарлар энг катта хавф остида бўлишини прогноз қилувчи биринчи дастурни яратди, деб ёзади Hi-Tech Mail.Ru.

Дастур сув остида қолиши мумкин бўлган ҳудудлар ҳақидаги маълумотларни таҳлил қилишда Ернинг ўз ўқи атрофида айланиши ва гравитациявий таъсирлар каби омилларни ҳисобга олади.

Янги виртуал восита мамлакатлар ва шаҳарларга айнан қайси музликлар ва муз қопламалари улар учун энг катта хавф туғдиришини тушунишга ёрдам беради. Масалан, Лондонни олсак, денгиз сатҳининг кўтарилиши асосан Гренландиянинг шимоли-ғарбий музликлари майдонидаги ўзгаришларга боғлиқ.

Нью-Йорк учун эса Гренландиянинг шимолий ва шарқий  ҳудудларидаги бутун Гренландия муз қопламасининг ҳолати хавфли ҳисобланади.

NASA дастури муаллифларидан бири доктор Эрик Ларур таъкидлашича, дастур бутун дунё бўйича денгиз сатҳидаги ўзгаришларни аниқлайдиган учта муҳим жараёнга тааллуқли бўлган маълумотларни таҳлил қилади, булар:

• Гравитациявий таъсирлар;
• Музли ҳудудларда музнинг қуруқлик юзасига босими;
• Ер айланадиган ўқнинг тебраниши.