Қозоғистонда уч йил ичида 16,5 млн долларлик «чиройли» давлат рақамлари сотилди

Қозоғистонда уч йил ичида 5,5 миллиард тенгелик (16,5 миллион доллар) «чиройли» давлат рақамлари сотилди, деб ёзади Kazakhstan Today.

«Уч йил ичида ички ишлар вазирлиги Аҳолига хизмат кўрсатиш ихтисослашган марказлари орқали 15 760 та ‘чиройли’ рақамларни сотиб, бюджет учун 5 миллиард 548 миллион тенге ишлаб олган», — деди мамлакат парламенти қуйи палатаси раиси Владимир Божко.

Унинг сўзларига кўра, Аҳолига хизмат кўрсатиш ихтисослашган марказларининг очилиши мамлакат бюджетини мустаҳкамлашдан ташқари, фуқароларнинг вақтларини тежаган, маъмурий полиция сафларида коррупцияни камайтирган, ИИВнинг турли даражадаги раҳбарларини нуфузли рақамлар олиш ҳақидаги кўплаб илтимослардан халос қилган.