Жанубий Корея қишлоқ хўжалиги вазирлиги 20 ноябрь, душанба куни H5N6 парранда гриппи вируси тарқалишининг олдини олиш учун профилактика сифатида мамлакатнинг барча қуш фермаларида 48 соатга карантин жорий қилди, деб ёзади «Корреспондент.net».
Таҳлиллар Чолла-Пукто провинциясидаги фермалардан бирида ўрдаклар H5N6 вируси билан зарарланганлигини тасдиқлади.
У ерда 12,3 минг қуш йўқ қилинди, ферма атрофида ўн километр радиусда карантин зонаси жорий этилди. Фермада карантин ҳафта давомида амал қилади, бутун мамлакат бўйлаб 166 та қадоқлаш марказларида дезинфекция ўтказилади.
Изоҳ (0)