Россия президенти сайловида ўз номзодини қўйиш ниятини маълум қилган телебошловчи Ксения Собчак АҚШнинг Россияга қарши санкцияларини қўллаб-қувватлади, деб ёзади «Газета.ru».
«Россия юзага келган ушбу даҳшатли халқаро муносабатлар учун жавобгар, деб ўйлайман. Биз халқаро ҳуқуқ қоидаларини буздик, халқаро ҳуқуққа кўра, Қрим — Украинаники», — деди Собчак CNN телеканалига берган интервьюсида.
Аммо, унинг сўзларига кўра, АҚШ ўз санкциявий сиёсатида Россия ҳукуматини ва оддий фуқароларни фарқлаши керак.
«Бу тўғри, мен Россияга қарши бу санкцияларни қўллаб-қувватлайман. Аммо масалан, ҳозирда россиялик талабалар Америка визасини ололмаётгани — уларга нисбатан адолатсизлик, чунки Россия халқини ўзлари қўллаб-қувватламайдиган одамнинг сиёсати учун жазолаш нимага керак?» — дея қўшиб қўйди у.
Изоҳ (0)