Аляскада ракетага қарши мудофаа тизимининг қуруқликдаги охирги ракетаси жойлаштирилди. Бу ҳақда АҚШ ракетага қарши мудофаа агентлиги (MDА) маълум қилди, дея хабар беради «РБК».
«MDА ва Boeing 2 ноябрь куни Форт-Грилидаги ракетага қарши комплекс шахтасида 44-тутиб қолувчи ракетани жойлаштирди», — дейилади агентлик хабарида.
Жами 44 та тутиб қолувчи ракета жойлаштирилди. Улар 2017 йил охирида сафга киритилади.
Defense News нашрига кўра, ракеталар Шимолий Корея ва Эрон томонидан эҳтимолий таҳдиддан ҳимоя учун мўлжалланган. Пентагон уларнинг сонини 44 тадан 64 тагача етказишни режалаштирмоқда.
Изоҳ (0)