Франция ва Бельгия тадқиқотчилари динозаврларнинг янги тури — Mathэронодон провинcиалисъни аниқлади, дея хабар бермоқда Meduza. Археологлар жонивор қолдиқларини Франция жанубидан топган. Mathэронодон провинcиалис барча қитъаларда яшаган ўтхўр динозаврлар — Рабдодонтлар оиласига мансуб.
Mathэронодон провинcиалисънинг қайчига ўхшаш катта жағлари бўлган. Бу жағлар ёрдамида динозавр сертола барглар ва пояларни чайнаган. Олимларнинг тахминича, бу динозавр бошқа ўтхўр динозаврлар ёқтирмаган ўсимликлар билан озиқланган.
Олимлар динозавр жағининг бир қисми ва бир неча тишларини топган, холос. Палеонтологлар Mathэронодон провинcиалис бош суягини қайта тиклаб, унинг тишлари бошқа ўтхўр динозаврларникига нисбатан ўткирроқ бўлган, деган хулосага келди. Тахминий ҳисоб-китобларга кўра, танасининг узунлиги 5 метргача етган.
Олимлар янги динозаврнинг тузилиши ва нималар билан озиқлангани ҳақида янада кўпроқ билиш учун унинг яна бошқа қолдиқларини излаб топишга умид қилмоқда.
Изоҳ (0)