AdMe ихтиро қилинганида «мутлақо фойдасиз» дея аталган буюмлар ҳақида маълумот тўплаб тақдим этди.
«Паравозларни иблис бошқаради»
Дастлаб паравозлар пайдо бўлганида ушбу «ўзиюрар махлуқ»ни иблис бошқаради деган тушунча бўлган. Шифокорлар эса соатига 40 километр тезликда ҳаракатланишни инсон соғлигига зарар дея ҳисоблашган.
«Ўзгарувчан ток ҳеч кимга керак эмас»
Томас Эдисоннинг ўзгармас токи билан Никола Tесланинг ўзгарувчан токи ўртасидаги кураш тарихдан «Токлар жанги» дея ўрин олган. Натижада ўзгарувчан ток мутлақ ғалабага эришган.
«Лампочкалар фойдасиз»
АҚШдаги Стивенсон технология институтининг олимларидан бири ушбу турдаги лампаларни «қизиқ эмас ва илм-фан инсонлари учун фойдасиз» дея ҳисоблаган. Бундай «фойдасиз» лампалардан бири 1901 йилдан буён Калифорниядаги Ливермор шаҳрида ҳозирга қадар ёниб туради.
«Вакциналар соғлик учун зарарли»
Чечакдан азоб чекасизми? Биз ҳам йўқ. Илм-фанга раҳмат! Шу турдаги кўплаб касалликларга қарши вакциналар билан эмланишни айрим фуқаролар ҳамон зарарли дея ҳисоблайди.
«Телевидение тезда жонга тегади»
Телевидениенинг машҳурликка эришишига нафақат оддий одамлар, балки «радио отаси» Ли де Форест каби ихтирочилар ҳам ишонмаган. Кўриб турганингиздек улар мутлақо хато ўйлашган.
«Космик кема парвозни амалга ошира олмайди»
Яна Ли де Форестни ёдга олмасликнинг иложи йўқ. У « Ер атмосферасидан ташқарига чиқадиган космик кемаларнинг келажагига ишонмайман», деган эди. Биламизки, Юрий Гагарин «Восток-1» кемасида Ер орбитасини айланиб чиққан, ҳозирда эса Илон Маск кабилар Марсга парвоз қилишни режалаштирмоқда.
«Шахсий компьютер? Кимга керак»
1949 йилда Манчестер кичик эксперементал машинаси ихтиро қилингач, «компьютер технологияси эришиши мумкин бўлган чегарага етиб келди», дея эълон қилинганди. Шунингдек, компьютер компаниясининг раҳбари Кен Олсен 1977 йилда «Кимдир уйида шахсий компьютери бўлишини хоҳлашига ишонмайман», деган эди.
«Мобил телефонларни сотиб олишмайди»
«У ҳеч қачон стационар телефонлар ўрнини эгаллай олмайди. Агарда у бизнинг ҳаётлигимизда амалга ошгудек бўлса ҳам, жуда қимматга тушади», — дейишган эди мобил телефонлар ҳақида.
«iPad’нинг ҳеч кимга қизиғи йўқ»
Симпсон Cарпентер компанияси iPad’ни «оммавий харидорларни ўзига жалб қила олмайди» дея ҳисоблаган. Бироқ 18 ойдан сўнг ушбу қурилмадан 30 миллион дона сотилган.
Изоҳ (0)