Атроф-муҳит ифлосланиши одамларни урушларга қараганда 15 маротаба кўп ўлдирмоқда. Lancet илмий журнали комиссияси олимлари шундай хулосага келди, дея хабар беради «РИА Новости».
Маълум бўлишича, 2015 йилда бутун дунёда атроф-муҳит ифлосланиши келтириб чиқарган касалликлар 9 миллион кишининг умрига зомин бўлди, бу эса барча ўлимларнинг 16 фоизига тўғри келади. Олимларга кўра, мазкур рақам ОИТС, сил ва безгак касалликларидан ўлимдан бирга жамлаганда ҳам 3 баробар, урушлар ва зўравонликнинг бошқа шаклларидан 15 маротаба кўп.
Шунингдек, ёмон экология чекиш, очлик ва табиий офатларга қараганда кўпроқ одамларни ўлдиради. Айрим давлатларда эса атроф-муҳит ифлослиги ўлимларнинг чорак қисмига сабаб бўлмоқда.
Тадқиқотчилар экология ҳолати билан боғлиқ ўлимларнинг, тахминан, 92 фоизи даромаднинг паст ва ўрта даражасига эга мамлакатларга тўғри келишини аниқлади.
Изоҳ (0)