Массачусетс технология институти ҳамда Гарвард университетининг олимлари наслдан наслга ўтувчи касалликларни келтириб чиқарадиган генларнинг фаоллигини бошқаришнинг янги усулини яратишди, деб хабар берди Science Аlert.
Усул CRISPR тизимига асосланган бўлиб, у ДНКнинг ўзини эмас, балки транскриптларни — генетик ахборотни ҳужайра ядросидан оқсил синтези амалга ошириладиган жойга ташувчи матрицали РНКларни ўзгартиришга имкон беради.
CRISPR/Cas тизими ДНК кетма-кетликларидаги нуклиотидларни ўзгартиришда қўлланилади. Cas — муайян соҳада жуфт занжирни кесадиган оқсил. Унинг жойини РНК аниқлайди.
Олимлар CRISPR тизими турларидан бирини такомиллаштиришга муваффақ бўлишди. Тизим ҳужайралар гуанин асосли Г нуклеотиди дея қабул қилувчи, ўзида аденинни инозинга ўзгаритадиган А нуклеотидини ўзгартира олди. Бу эса оқсил структурасидаги генетик мутациянинг таъсирини камайтиришга ёрдам беради. Тизим REPAIR деб номланган бўлсада, ДНКдаги патоген ўзгаришларни тўғирлай олмайди, у оғир касалликларни самарали усулда даволашда хизмат қилади.
Изоҳ (0)