Дунёнинг етакчи мамлакатлари Каталония мустақиллигни тан олмади ва Испаниянинг ҳудудий яхлитлигини қўллаб-қувватлади, деб хабар берди «Корреспондент.net».
АҚШ президентининг матбуот котиби Сара Сандерснинг маълум қилишича, Оқ уй ягона Испанияни қўллаб-қувватлашини тасдиқлайди.
Франция ТИВ раҳбари Жан-Ив Ле Дриан француз ҳукумати Каталониянинг мустақиллик декларациясини тан олмаслигини ва фақат расмий Мадрид билан мулоқот ўтказишини маълум қилди.
«Мен Каталониядаги вазият ривожини хавотир билан кузатяпман. Франция Испанияни кучли ва ягона давлат сифатида кўришни истайди. Бизнинг суҳбатдошимиз фақат битта — бу Мадрид ҳукумати», — деди Франция ташқи ишлар вазири.
The Telegraph нашрининг маълум қилишича, Буюк Британия бош вазири Тереза Мэй ҳам ягона Испания тарафини олган.
Германия канцлери Ангела Меркелнинг матбуот котиби Штеффен Зайберт эса ўзининг Twitter’даги саҳифасида «Каталония мустақиллининг бир томонлама эълон қилиниши Испаниянинг ҳудудий яхлитлиги принципларини бузаётганини» ёзган.
Канада ташқи ишлар вазирлиги вакили Эндрю Лесли Канада бирлашган Испанияни тан олишини ва суверен давлатнинг ички ишларига аралашишни хоҳламаслигини маълум қилди.
Изоҳ (0)