Хитой ҳукумати АҚШнинг санкциялар рўйхатига КХДРдаги бир нечта янги ташкилот ва юридик шахсларнинг киритилишига танқидий муносабат билдирди. Бу ҳақда Хитой ташқи ишлар вазирлиги вакили Ген Шуаннинг сўзларига асосланиб, «ТАСС» хабар бермоқда.
«Бизнинг позициямиз аниқ. Хитой БМТ Хавфсизлик кенгашининг доирасидан чиққан ҳолда ўзининг ички қонунчилиги бўйича бир томонлама санкцияларни қўллайдиган давлатни қўллаб-қувватламайди», — дейди Хитой ТИВ вакили.
Аввалроқ, АҚШ молия вазирлигининг чет эл активлари устидан назорат қилиш бошқармаси АҚШ КХДР бўйича санкциялар рўйхатига учта ташкилот ва етти нафар жисмоний шахсни ҳам қўшганини маълум қилган эди.
Санкция қўлланилган жисмоний шахслар орасида КХДР меҳнат вазири Чон Ён Су ҳам бор.
Изоҳ (0)