АҚШ мудофаа вазири Жеймс Мэттис 27 октябрь, жума куни КХДР ва Жанубий Корея ўртасидаги номилитар зонага келди. Бу ҳақда «ТАСС» хабар бермоқда.
Мэттис унинг мазкур ҳудудга ташрифи икки давлат ўртасидаги «кескин фарқ»ни кўрсатишини таъкидлади ва Сеулни қўллаб-қувватлашини билдирди.
«Бизнинг мақсадимиз уруш эмас, балки Корея ярим оролининг тўлиқ, назорат остидаги ва узил-кесил ядро қуролидан холи бўлишидир», —деди Пентагон раҳбари.
Олдинроқ АҚШ президенти Дональд Трамп ҳам Осиёга ташрифи давомида мазкур зонага ташриф буюриш истагини билдирганди.
Изоҳ (0)