Нега самолётларда авиафалокатлар ҳолатида парашютлар берилмайди?

AdMe йўловчиларни ташишга мўлжалланган самолётларда нега парашютлар берилмаслиги ҳақида қизиқарли фактларни тўплаб тақдим этди.

Йўловчи самолётларида парашютлар бўлмаслигининг бир нечта сабаблари бор:

1. Йўловчи самолёти — жуда ишончли машина. Таққослаш учун: парвоз пайтида ҳалок бўлиш этимоллиги 1:11 000 000 га тенг, йўл-транспорт ҳодисасида эса ушбу кўрсаткич 1:5000 ни ташкил этади.

2. Самолётлар 10—12 километр баландликда, соатига 800—1000 километр тезликда ҳаракатланади. Бундай шароитда парашютлар мутлақо фойдасиз: борт ташқарисида ҳарорат -40 дан -60 даражага ва деярли кислород мавжуд эмас.

3. Турбулентлик зонасига кирилганида ҳар қандай киши, айниқса, нозик йўловчиларда қўрқув пайдо бўлиши мумкин. Бу эса парвоз вақтида атмосфера таъсир кўрсатиши ва уни айрим одамлар учун чидаб бўлмас ҳолга келтириши мумкин.

4. Аварияларнинг аксар қисми самолётлар учишни ёки қўнишни амалга ошираётган вақтида содир бўлади. Бу каби вазиятда йўловчилар парашютдан фойдаланишга улгурмайди.

5. Самолёт фалокати вақтида одамлар ваҳимада бўлади — уларнинг парашютни тақиши ва сакраш жойига етиб боришлари жуда қийин.

6. 100—500 кишига мўлжалланган парашютларни олиб юриш жуда қиммат. Шунингдек, самолётда ортиқча юк пайдо бўлади. Бундан ташқари бу авиачипталар нархининг қимматлашишига ҳам олиб келади, ахир парашютлар арзон турмайди.