«Бук» зенит-ракета тизимининг эълон қилинган янги суратлари MH17 рейсининг Boeing самолёти Россия томонидан уриб туширилганини яна бир бор тасдиқлайди. «Корреспондент.net» хабарига кўра, бу хулоса Bellingcat экспертлар гуруҳи томонидан илгари сурилган.
«MH17 рейси Россиянинг ‘Бук-332’ тизими ёрдамида уриб туширилганига шу кунга қадар ҳам деярли шубҳа йўқ эди. Бугун, Украина шарқида Россия Қуролли Кучларига тегишли зенит-ракета тизимлари борлигини тасдиқловчи тўққизинчи далилдан сўнг, ҳеч қандай шубҳа қолмади», — деб ёзади экспертлар.
Экспертларнинг таъкидлашича, сурат 2014 йилнинг 17 июлида — MH17 рейси уриб туширилгун кунда Макеевкада олинган. Суриштирув муаллифлари MH17 рейси айнан шу «Бук» ёрдамида уриб туширилган, деб ҳисобламоқда.
Bellingcat экспертлар гуруҳининг қайд этишича, суратдаги «Бук»нинг алоҳида белгилари фожиадан бир ой аввал Россияда суратга олинган «Бук-332»нинг ўнг томонидаги белгиларга тўла мос келади.
Изоҳ (0)