Брюсселда саммити ўз ишини бошлаган Евроиттифоқ давлатлари Туркияга унинг 2020 йилгача тузилмага киришини қўллаб-қувватлаш учун ажратилиши мўлжалланган 4,45 миллиард доллар миқдоридаги маблағ берилишини тўхтатишни маъқуллади. Бу ҳақда «Интерфакс» хабар бермоқда.
Германия канцлери Ангела Меркель шундай таклиф билан чиқди.
«Биз Еврокомиссияга тузатишлар қабул қилиш ва тузилмага кириш учун йўналтирилган ёрдамни қисқартириш юзасидан тавсиялар ишлаб чиқиш бўйича мурожаат қилдик», — маълум қилди Меркель саммитнинг биринчи куни якунларига изоҳ берар экан.
Бу таклиф Меркелнинг Туркияда инсон ҳуқуқлари бузилаётгани ҳақидаги айбловларига асослангани, бу эса Евроиттифоққа аъзолик талабларига тўғри келмаслиги билдирилмоқда.
Шу билан бирга, кузатувчилар расмий якуний ҳужжатда бу масала юзасидан саммит қарори йўқлиги, унда фақат «Евроиттифоқ Туркия билан муносабатларни муҳокама этгани» эслатилганини таъкидлади.
Изоҳ (0)