Франция Европа Иттифоқи рамзлари — иттифоқ мадҳияси ва байроғини расман тан олди. Мамлакат президенти Эммануэль Макрон Европа кенгаши раҳбари Дональд Тускка мазкур қарор ҳақидаги билдиришномани йўллади, дея хабар беради «Корреспондент.net».
Елисей саройи томонидан тарқатилган пресс-релизда Франция томонидан тузилма мадҳияси ва байроғининг тан олиниши Евроиттифоқни бўлиб юбориш ҳаракатларига қарши «рамзий ва сиёсий ишора» эканлиги билдирилган.
Кўк фондаги 12 олтин юлдуздан иборат ҳалқа акс этган байроқ ва Бетховеннинг Тўққизинчи симфониясидан «Қувонч қасидаси» мусиқаси асосидаги мадҳия Лиссабон шартномасининг 52-моддасида белгиланган.
Уни 16 давлат имзолаган, бироқ Франция шу пайтгача улар қаторига кирмасди.
Изоҳ (0)