Россия либерал-демократик партияси етакчиси Владимир Жириновский Янги йил таътилини иш таътилининг қўшимча кунларига алмаштиришни таклиф қилди, деб ёзади «РИА Новости».
«Янги йил таътилини яна ўз ҳолича қолдиришди, статистика эса шуни кўрсатадики, 1-дан 10 январгача алкоголни суиистеъмол қилишдан 20 минг киши бевақт нобуд бўлади. Бу нима керак?... Дам олиш кунлари қолсин, аммо бу иш таътилининг қўшимча кунлари бўлсин, одамнинг ўзи қачон дам олишини ўзи ҳал қилсин», — деди у.
Умумий байрамлар, унинг фикрича, фақат учта бўлиши керак — 1 январь, 9 май ва 12 июнда.
Аввалроқ Россия ҳукумати келаси йил учун дам олиш кунлари тақвимини тасдиқлаган эди: россияликлар 2017 йил 30 декабрдан 2018 йил 8 январгача 10 кун дам олади.
Изоҳ (0)