Қозоғистон президенти Нурсултон Назарбоев Сурия масаласи бўйича Остонада бўлиб ўтган музокаралар мамлакатдаги зўравонликларнинг тўхтатилишига ва можародан кейин унинг тақдирини ҳал қилишда асос бўлиб хизмат қилганини маълум қилди, деб хабар берди «Вести Кавказа».
Қозоғистон давлати раҳбари бу каби фикрни хорижий давлатлар элчиларига ишонч ёрлиқларини топшириш маросимидаги нутқида билдирди.
Сурия масаласи бўйича олтинчи халқаро учрашув 14—15 сентябрь кунлари Остонада бўлиб ўтган эди. Унда май ойидан буён Сурияда ташкил этилаётган тўртта деэскалация зоналарини рўйхатдан ўтказиш ишлари якунланган.
Эслатиб ўтамиз, 2017 йилда Қозоғистон пойтахтида Сурия масаласи бўйича олтита учрашув бўлиб ўтди. Музокаралар давомида Сурия ҳукуматининг демократик кучлари ва мухолифат вакиллари ўртасидаги можарони тинч йўл билан ҳал қилишга эришилди.
Изоҳ (0)