Буюк Британия контрразведка раҳбари (MI5) Эндрю Паркернинг маълум қилишича, у ўзининг махфий хизматдаги 34 йиллик фаолиятидан буён ҳеч қачон қироллик ҳудудида бу қадар кўп терактлар ва уларни содир этишга бўлган уринишга дуч келмаган, деб хабар берди The Independent.
Унинг сўзларига кўра, Буюк Британия «мисли кўрилмаган ва дахшатли террорчилик ҳужумини» бошдан кечирмоқда. Ўз сўзларининг исботи сифатида MI5 раҳбари статистик мисол келтирди: жорий йилнинг етти ойи давомида унинг идораси ва полиция еттита терактни олдиндан бартараф этган, 379 нафар гумонланувчини ҳибсга олинган.
Шу билан бирга, контрразведка иштирокчилари уч минг кишини ташкил этувчи экстремизм ва терроризмга оид 500 та иш устида тергов олиб бормоқда. Яна 20 минг одам ҳуқуқ-тартибот ходимларининг назоратида.
Эндрю Паркернинг таъкидлашича, замонавий террорчилик ҳужумлари жуда тез амалга оширилади — режалаштириш ва уни амалга ошириш орасидаги вақт атига бир неча кунни ташкил этади.
Изоҳ (0)