АҚШнинг Флорида штатида тўққиз ёшли қиз вафот этди. Қизчанинг ўлимига унинг 147 килограммли амакиваччаси уни «жазолаш» учун устига ўтиргани сабаб бўлган. Бу ҳақда «РИА Новости» хабар берди.
Қўлга олинган 64 ёшли Вероника Грин Поузининг кўрсатмаларига кўра, у тўққиз ёшли Дерика Лендси унинг гапига кирмагани учун «жазолаш» мақсадида қизчанинг устига ўтирган. Поузининг ота-онаси ҳам қўлга олинган бўлиб, улар ҳолатга аниқлик киритган. Унга кўра, Вероника дастлаб қизчани чизғич ва металл трубка билан урган, қизча қочиб кетмоқчи бўлганда, уни тутиб олиб, устига ўтирган. Верониканинг полициячиларга маълум қилишича, унинг вазни 325 фунт, ёки 147 килограммни ташкил қилади.
Қўлга олинганлардан бирининг маълум қилишича, Поузи жиянининг устида, унинг нафас ола оламаётгани ҳақида шикоят қилишига қарамасдан, тахминан 10 дақиқа ўтирган. Аёл қизнинг устидан ян дақиқа ўтгач турган ва қизчанинг юраги тўхтаб қолганини билган. Аёлга нисбатан қотиллик ва бола билан шафқатсиз муносабатда бўлиш айблови эълон қилинган.
Изоҳ (0)