Тожикистон пойтахтини 18 октябрь, чоршанба куни эрталабдан чанг бўрони қоплаб олди. Бу ҳақда Asia-Plus хабар бермоқда.
Мамлакат фавқулодда вазиятлар ва фуқаро мудофааси қўмитаси республиканинг марказий қисмида шамол кучайиши ва сониясига 18-23 метрга етиши мумкинлиги ҳақида огоҳлантирди.
Қўмита аҳолини дала ишларида ўта эҳтиёт бўлиш, ўтин йиғиш ва ов қилишдан тийилиш, тоғли ҳудудларда тош қулаши эҳтимолини инобатга олишга чақирди.
Синоптиклар чанг бўрони ёмғирлардан сўнг тарқалиб кетишини билдирмоқда.
Изоҳ (0)