Tojikiston poytaxtini 18-oktabr, chorshanba kuni ertalabdan chang bo‘roni qoplab oldi. Bu haqda Asia-Plus xabar bermoqda.
Mamlakat favqulodda vaziyatlar va fuqaro mudofaasi qo‘mitasi respublikaning markaziy qismida shamol kuchayishi va soniyasiga 18-23 metrga yetishi mumkinligi haqida ogohlantirdi.
Qo‘mita aholini dala ishlarida o‘ta ehtiyot bo‘lish, o‘tin yig‘ish va ov qilishdan tiyilish, tog‘li hududlarda tosh qulashi ehtimolini inobatga olishga chaqirdi.
Sinoptiklar chang bo‘roni yomg‘irlardan so‘ng tarqalib ketishini bildirmoqda.
Izoh (0)