Huawei Mate 10 Prо расман тақдим этилди: «iPhone 8’дан ҳам қимматроқ турувчи «хитойлик» (фото)
Хитойнинг Huawei компанияси ўзининг янги Mаtе 10 ҳамда Маtе 10 Prо флагманларини Мюнхенда тақдим этди. Янги флагман «нейрон процессор», ҳошиясиз экран, иккита камера ва бошқа қизиқарли жиҳатларга эга, деб хабар берди «Hi-tech.mail.ru».
Huawei Mate 10 Prо худди Xiaomi Mi Мix2, LG G6, Samsung Galaxy S8 ҳамда Essential Phone каби ҳошиясиз экранга эга бўлди. Қувватлантириш ва овозни созлаш тугмаси қурилманинг ўнг томонидан, бармоқ изи сканери — орқа панелдан ўрин олган.
Шунингдек, смартфонга Leica томонидан яратилган иккита камера ўрнатилган. Қурилма орқа панели ойнадан ясалган, унинг дизайни устида яна бир бор Porsche бюроси иш олиб борди.
Бундан ташқари, Huawei биринчи бор IP67 ҳимоя сертификатига эга бўлди. Смартфон суратлардаги тасвирни таний олади, бу эса турли объектларни суратга олиш вақтида уларнинг сифатини автоматик тарзда яхшилаш имкони беради.
Huawei Mate 10 Pro’нинг техник тавсифи:
- Экран: 6 дюймли, OLED, 1080х2160 пикселли Quad HD;
- Процессор: 2,8 гигагерцли Huawei Kirin 970, 8 ядроли (4х Cortex A73 ва 4х Cortex A53) + Маli G72;
- Хотира: 6 гигагайт тезкор / 128 гигабайт ички ҳамда 6 гигагайт тезкор / 256 гигабайт ички хотира;
- Камера: 12 мегапикселли рангли сенсор ва 20 мегапикселли монохром сенсор;
- Аккумулятор: 4000 мА/соат + Huawei SuperCharge
- Операцион тизим: Android 8.0 + EMUI 8.0
