Apple эгилувчан iPhone яратиш лойиҳаси доирасида LG Display билан ҳамкорликни бошлади. Бу ҳақда «Корреспондент.net» хабар бермоқда.
АҚШ компанияси Жанубий Кореядаги рақобатчиси томонидан техник маълумотлардан фойдаланиш эҳтимолидан чўчиб, Samsung билан ишлашни маъқул кўрмади. Ҳозирда Samsung ҳам ўзининг эгилувчан смартфонини яратиш устида ишламоқда.
LG Display Apple учун эгилувчан OLED-экранлар ишлаб чиқарадиган махсус гуруҳ тузди. Смартфонларнинг бошқа қисмларини ишлаб чиқиш билан LG Innotek шуғулланади.
Аноним манбалар Apple учун эгилувчан дисплейлар ишлаб чиқариш 2020 йилдан бошланишини билдирмоқда. Samsung эса ўз эгилувчан смартфонини келгуси йили тақдим этади.
Изоҳ (0)