Финляндиянинг HMD компанияси 2018 йил январида Nokia 2, 7 ва 9 номлари остида камида учта смартфонни тақдим этиши кутилмоқда, деб ёзади «Hi-tech.mail.ru». Яқинда интернетда Nokia 9 нинг ишончли манбалардан тарқалган янги тасвирлари ва видеоси пайдо бўлди.
HMD’нинг бўлғуси флагмани — Nokia 9 тасвирларини OnLeaks инсайдери эълон қилди. Улар қурилманинг саноат чизмаларига асосланган, аммо бу улар 100 фоиз аниқ дегани эмас. Шунга қарамай, рендерда наушник учун тирқишнинг йўқлигини пайқаш мумкин. Nokia 9 3,5 мм аудиотирқиш ўрнига, USB Type-C билан жиҳозланади.
Бундан ташқари, миш-мишларга кўра, Nokia 9 5,5 дюймли (эҳтимол қайрилма) дисплей ва орқа панелдаги бармоқ изи сенсорли датчигига эга бўлади. Шунингдек, флагман қўш камераси ва экран четидаги ингичка ромлари билан мақтана олади.
Nokia 9, миш-мишларга кўра, 749 евродан сотувга чиқади.
Изоҳ (0)