Xitoyning Huawei kompaniyasi o‘zining yangi Mate 10 hamda Mate 10 Pro flagmanlarini Myunxenda taqdim etdi. Yangi flagman “neyron protsessor”, hoshiyasiz ekran, ikkita kamera va boshqa qiziqarli jihatlarga ega, deb xabar berdi “Hi-tech.mail.ru”.
Huawei Mate 10 Pro xuddi Xiaomi Mi Mix2, LG G6, Samsung Galaxy S8 hamda Essential Phone kabi hoshiyasiz ekranga ega bo‘ldi. Quvvatlantirish va ovozni sozlash tugmasi qurilmaning o‘ng tomonidan, barmoq izi skaneri — orqa paneldan o‘rin olgan.
Shuningdek, smartfonga Leica tomonidan yaratilgan ikkita kamera o‘rnatilgan. Qurilma orqa paneli oynadan yasalgan, uning dizayni ustida yana bir bor Porsche byurosi ish olib bordi.
Bundan tashqari, Huawei birinchi bor IP67 himoya sertifikatiga ega bo‘ldi. Smartfon suratlardagi tasvirni taniy oladi, bu esa turli obyektlarni suratga olish vaqtida ularning sifatini avtomatik tarzda yaxshilash imkoni beradi.
Huawei Mate 10 Pro’ning texnik tavsifi:
- Ekran: 6 dyuymli, OLED, 1080x2160 pikselli Quad HD;
- Protsessor: 2,8 gigagertsli Huawei Kirin 970, 8 yadroli (4x Cortex A73 va 4x Cortex A53) + Mali G72;
- Xotira: 6 gigagayt tezkor / 128 gigabayt ichki hamda 6 gigagayt tezkor / 256 gigabayt ichki xotira;
- Kamera: 12 megapikselli rangli sensor va 20 megapikselli monoxrom sensor;
- Akkumulyator: 4000 mA/soat + Huawei SuperCharge
- Operatsion tizim: Android 8.0 + EMUI 8.0
Izoh (0)